Çempionlar Liqası (ÇL) və Avropa Liqasında (AL) həftənin ən yaxşı futbolçusu bəlli olub.
Apasport.az saytı xəbər verir ki, UEFA-nın azarkeşlər arasında keçirdiyi səsvermənin qalibləri "Liverpul"un hücumçusu Sadio Mane və Moskva "Lokomotiv"inin yarımmüdafiəçisi Manuel Fernandeş olub.
"Liverpul"un ÇL-in 1/8 final mərhələsində "Porto" ilə keçirdiyi səfər qarşılaşmasında (5:0) het-trikə imza atan Mane 57% səslə qalib gəlib. O, bu mükafat uğrunda Marselo ("Real"), Kristian Eriksen ("Tottenhem") və İlkay Gündoğanla ("Mançester Siti") yarışıb.
Fernandeş isə "Lokomotiv"in AL-in 1/16 final mərhələsi çərçivəsində "Nitsa" ilə səfər qarşılaşmasında 3:2 hesablı qələbəsinin memarı olub. Belə ki, görüşdə komandasının hər 3 qolunun müəllifi olan portuqaliyalı respondentlərin 73% səsini toplayıb. Dortmund "Borussiya"sının hücumçusu Mişi Batşuayi 11%, "Arsenal"ın yarımmüdafiəçisi Məsut Özil isə 10% səs toplayıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
