USD 1.7

Bakı 26 °C

Ödənişli xəbərlər

AZ RU EN FA FR

Gece modu

SİYASƏT

XƏBƏR

Dünya xəbərləri

İqtisadiyyat xəbərləri

İdman xəbərləri

Mədəniyyət xəbərləri

Təhlil

Bloqlar

Şirkət

TOP 10

APA TV

© 2004 - 2026 Bütün müəllif hüquqları qorunur.

Futbol

Ana səhifə

Futbol

Azərbaycan yığması FİFA reytinqində irəliləyib

12 aprel 2018 10:11 (UTC +04:00)

FİFA millilərin yeni reytinq siyahısını açıqlayıb. Apasport.az saytının məlumatına görə, 211 komandanın yer aldığı cədvəldə bir sıra dəyişikliklər diqqət çəkir ki, bu da son 4 həftədə yığmalar səviyyəsində görüşlərin çoxluğu ilə bağlıdı.

Dəyişikliklər Azərbaycan yığmasından da yan ötməyib. Qurban Qurbanovun baş məşqçisi olduğu millimiz ötən ayla müqayisədə 1 pillə irəliləyib.

Ötən ay 243 xalla 127-ci olan yığmamız indi 245 xalla 126-cı yerə şərikdi. Millimizin 2 xal qazanmasına Belarusla (0:1) Bakıda, Makedoniya ilə (1:1) Antalyada keçirilən yoxlama matçlarının nəticələri səbəb olub.

Xal aktivini artıran komandamız 126-128-ci yerləri bölüşür. Millimizin şərikləri Sudanla Sent-Kitts və Nevisdi. Bu yığmaların ikisi də böyük geriləmə ilə yığmamızın mövqeyinə düşüb.

Ümumiyyətlə, komandamızın qonşuluğundakı pillələrdə böyük dəyişikliklər qeydə alınıb. Beş milli - Antiqua və Barbuda, Tailand, Taypey, Yəmən və Qazaxıstan yığmamızı keçib. 4 ölkə - Türkmənistan, Yeni Zelandiya, Nikaraqua və Qvatemala isə əks istiqamətdə hərəkət edib.

Millimiz və qonşuları

122 (129). Tailand - 253

123 (112). Ruanda – 252

124 (139). Antiqua və Barbuda – 251

125 (140). Yəmən - 250

126 (107). Sent-Kitts və Nevis – 245

126 (127). Azərbaycan – 245

126 (117). Sudan - 245

129 (114). Türkmənistan - 242

129 (128). Toqo – 242

Dünyanın ən güclü 10 komandasının siyahısında da dəyişikliklər olub. Düzdü, “onluğ”un tərkibi dəyişməyib. Lakin 3-10-cu yerlərdəki komandalar dəyişikliklərə məruz qalıb.

İlk “onluq”

1 (1). Almaniya - 1533

2 (2). Braziliya - 1384

3 (5). Belçika - 1346

4 (3). Portuqaliya - 1306

5 (4). Argentina - 1254

6 (8). İsveçrə - 1179

7 (9). Fransa – 1166

8 (6). İspaniya – 1162

9 (10). Çili – 1146

10 (7). Polşa - 1118

Siyahıda ən böyük irəliləyişə nail olan iki komanda millimizin rəqibləridi. Yoxlama oyununda üz-üzə gələcəyimiz Qırğızıstan 40, Millətlər Liqasındakı rəqibimiz Kosovo 24 addım atıb. Bu turnirdə üz-üzə gələcəyimiz Farer adaları da 3 pillə irəliləyib, Malta isə yerində qalıb. Yoldaşlıq matçında millimizi qəbul edəcək Latviya 8 addım geriləyib.

Millimizin rəqibləri

75 (115). Qırğızıstan - 424

94 (97). Farer adaları - 364

139 (131). Latviya - 217

152 (176). Kosovo - 164

185 (185). Malta - 62

Qeyd edək ki, qonşu Türkiyə millisi 37-ci yerə yüksəlib. Bir addım irəliləməyi bacaran “ay-ulduzlular”ın hesabında 714 xal var.