Azərbaycanlı FİFA referisi Əliyar Ağayev Avropa Liqasının qrup mərhələsinin daha bir oyununa təyinat alıb. Apasport.az saytının məlumatına görə, 29 yaşlı hakim V turun “Şalke” (Almaniya) – “Nitsa” (Fransa) matçını idarə edəcək.
Ağayevə yan xətt hakimləri kimi Zeynal Zeynalov və Rza Məmmədov kömək edəcək. Görüşdə 4-cü hakim funksiyasını Mübariz Haşımov yerinə yetirəcək. Orxan Məmmədov və Rəhim Həsənov isə əlavə köməkçi hakimlər qismində təmsil olunacaqlar.
Qeyd edək ki, Ağayevin idarə edəcəyi oyun noyabrın 24-də “Şalke” stadionunda keçiriləcək.