Bakı-APA. Kolumbiyada keçirilən futzal üzrə dünya çempionatında Azərbaycan millisi qrup mərhələsində üçüncü oyununu keçirib.
APA-nın məlumatına görə, yığmamız Medelyin şəhərində İran futzalçıları ilə qarşılaşıb.
Görüş 3:3 hesablı heç-heçə ilə başa çatıb. Beləliklə, millimiz dünya çempionatının 1/8 finalına vəsiqə qazanıb. Millimiz İranla eyni xal toplayıb, lakin top fərqinə görə turnir cədvəlində rəqibini qabaqlaya bilib. Futzalçılarımız 1/8 finalda Tailand yığması ilə qarşılaşacaq.
Xatırladaq ki, Azərbaycan millisi turnirdə keçirdiyi ilk oyunda Mərakeşi 5:0 məğlub edib, İspaniyaya isə 2:4 hesabı ilə uduzub.
Azərbaycan-İran 3:3
Qollar: Tyaqu, Qallo (2): İsmayılpur, Tavakoli, Tayebi
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
