“Oyuna hazırıq. Son matçda müdafiədə yaxşı təsir bağışladıq. Sabah hücum etməyə də çalışacağıq”. Apasport.az saytının məlumatına görə, bu sözləri Norveç yığmasının baş məşqçisi Lars Laqerbek deyib.
Skandinaviya təmsilçisi DÇ-2018-in seçmə mərhələsi çərçivəsində sabah Azərbaycan millisini qəbul edəcək.
Oyundan öncə mətbuat konfransı keçirən ev sahiblərinin çalışdırıcısı maraqlı fikirlər səsləndirib: “Azərbaycan millisi də çox yaxşı komandadı. Bu səbəbdən, maraqlı oyun alınacağına ümidvaram”.
- Heyətdə hər hansı problem var?
- Heç kim ciddi zədəli deyil. Hamı futbol oynaya biləcək və matça hazırdılar.
- Bakıdakı ilk oyunu yəqin ki, izləmisiz. Norveç millisi həmin görüşdə niyə uduzdu?
- Əlbəttə, televiziya vasitəsilə baxdıq. Hansısa nəticə çıxarmaq çətindi. Oyun elə alındı ki, Azərbaycan güclü oldu. Ümidvaram ki, bu dəfə biz qalib gələcəyik.
- Oyuna necə hazırlaşmısınız?
- Komandamız yaxşı hazırlaşıb. Xüsusən, müdafiəyə diqqət ayırmışıq. Çünki son 2 oyunda problemlər var idi. Azərbaycan millisi də müdafiədə ciddi təsir bağışlayır. Hələ hansı oyun üslubuna üstünlük verəcəyimizi deyə bilmərəm.
- Aleksandr Sorlot son zamanlar yaxşı təsir bağışlayır. Ona sabah şans verəcəksiz?
- Yaxşı formadadı. İkinci mərtəbədə yaxşı oynayır. İnanırıq ki, bu dəfə də ümidlərimizi doğruldacaq.
- İki hücumçudan necə yararlanmaq niyyətindəsiz?
- Onları birgə istifadə etmək çətindi. Yarımmüdafiə ilə əlaqələrindən də çox şey asılıdı. Çalışacağıq ki, onlardan səmərəli yararlanaq.
- Hansı cinah oyunçularından yararlanmaq niyyətindəsiz?
- Ardıcıl 2 oyun keçirəcəyik. Hamısından tam həcmdə, hər 2 qarşılaşmada yararlanmaq lazımdı. İlk matçda hücumda yaradıcı oyun sərgiləyənlərdən, ikincidə isə müdafiəyə kömək edənlərdən istifadə edəcəyik.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
