Yanvarda Rusiyada keçiriləcək Valentin Qranatkinin xatirəsinə həsr olunmuş turnirin təqvimi müəyyənləşib. Apasport.az saytının yerli mətbuata istinadən məlumatına görə, yarışda iştirak edəcək Azərbaycan millisi ilk oyununu yanvarın 9-da keçirəcək.
C qrupunda yer alan 17 yaşadək futbolçulardan ibarət millimiz həmin gün Litva ilə üz-üzə gələcək. Komandamız iki gündən sonra Qazaxıstanla münasibətlərinə aydınlıq gətirəcək. Yığmamız qrupdakı son sınağını isə yanvarın 13-də Slovakiyaya qarşı verəcək.
Azərbaycan millisi qrupu ilk iki pillədə tamamlasa, yanvarın 16-da 1/4 final oyununa çıxacaq. Turnirin yarımfinal görüşləri yanvarın 18-də, final matçı isə 21-də baş tutacaq.
C qrupunun təqvimi
9 yanvar
13:00. Litva – Azərbaycan
15:15. Slovakiya – Qazaxıstan
11 yanvar
13:00. Qazaxıstan – Azərbaycan
15:15. Slovakiya – Litva
13 yanvar
13:00. Litva – Qazaxıstan
15:15. Azərbaycan – Slovakiya
Qeyd: Başlama saatları Bakı vaxtı ilə göstərilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
