Səhiyyə Nazirliyinin həkim qrupu Mingəçevirdə məcburi köçkün və aztəminatlı ailələrin üzvlərini pulsuz müayinədən keçirir
22 dekabr 2006 09:12 (UTC +04:00)
Səhiyyə Nazirliyinin doqquz ixtisas üzrə həkim qrupu Mingəçevir şəhərində məskunlaşan qaçqın və məcburi köçkünlər, eyni zamanda aztəminatlı ailələrin üzvləri arasında pulsuz həkim müayinələrinə başlayıb. Qrupun rəhbəri, respublikanın baş pediatoru Nəsib Quliyev APA-ya bildirib ki, uşaqlar arasında ən çox rast gəlinən xəstəlik kardioloji qüsurlar və qan-damar sistemi xəstəliklərdir. N. Quliyev deyib ki, başçılıq etdiyi qrup sonuncu xəstə müalicə olunanadək Mingəçevirdə qalacaq. /APA/