Hadisə

Ana səhifə

Hadisə

Gəncədə Vətən Müharibəsi iştirakçısını avtomobillə öldürən şəxs polis olub - YENİLƏNİB

04 mart 2023 14:34 (UTC +04:00)

Gəncədə avtomobillə piyadanı vurub öldürən şəxs polis əməkdaşı olub.

APA-nın yerli bürosunun məlumatına görə 2002-ci il təvəllüdlü, Vətən Müharibəsi iştirakçısı, Şəhriyar Məmmədovu Nəqliyyatda Baş Polis İdarəsinin Gəncə şəhər Dəmir yolu Xətt Polis Şöbəsinin əməkdaşı, Samux rayon sakini Xəyal Yolçuyev idarə etdiyi VAZ 2107 ilə vurub.

***

09.10

Gəncədə ölümlə nəticələnən yol nəqliyyat hadisəsi baş verib.

DİN-in Mətbuat Xidmətinin Gəncə regional qrupunun baş inspektoru polis kapitanı Eşqin Qasımovun APA-ya verdiyi məlumata görə, Samux rayon sakini Xəyal Yolçuyev idarə etdiyi VAZ 2107 markalı avtomobil ilə yolu keçmək istəyən piyada, 2002-ci il təvəllüdlü, Vətən Müharibəsi iştirakçısı, Şəhriyar Məmmədovu vurmuş və nəticədə piyada aldığı xəsarətdən hadisə yerində ölüb.

Faktla bağlı araşdırmalar davam etdirilir.

***

01.23

Gəncədə piyadanın ölümü ilə nəticələnən yol qəzası baş verib.

APA-nın yerli bürosunun məlumatına görə, hadisə şəhərin Üzeyir Haclbəyli prospektində qeydə alınıb. Hərəkətdə olan avtomobil yolu keçmək istəyən 2002-ci il təvəllüdlü Şəhriyar Məmmədovu vurub. Piyada hadisə yerində ölüb. Məlumata görə piyadanı vuran avtomobil hadisə yerindən qaçıb. Faktla bağlı araşdırma aparılır.