Lənkəranda yol qəzası olub.
APA-nın cənub bürosunun verdiyi məlumata görə, hadisə bu gün günorta saatlarında köhnə Ələt-Astara magistralında, Lənkəran şəhəri ərazisində qeydə alınıb. Hərəkətdə olan "VAZ-2107" markalı minik avtomobili yol kənarındakı ağaca çırpılıb. Nəticədə üç nəfər - Lənkəranın Nərimanabad qəsəbə sakinləri 1962-ci il təvəllüdlü Arifə Qafar qızı Rəhimova, onun qardaşı 1960-cı il təvəllüdlü Bəxtiyar Qafar oğlu Abdullayev və 1959-cu il təvəllüdlü Əliyar Rəzzaq oğlu Rəhimov xəsarət alıb. Onlar Lənkəran rayon mərkəzi xəstəxanasının təcili yardım şöbəsinə çatdırılıb.
A.Rəhimov reanimasiya şöbəsinə yerləşdirilib.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
