Naxçıvan-Sədərək magistralında ağır yol-nəqliyyat hadisəsi baş verib, 4 nəfər xəsarət alıb.
APA-nın Naxçıvan bürosu xəbər verir ki, hadisə bu gecə magistralın Duzdağ yoluna yaxın ərazisində qeydə alınıb.
Belə ki, "BYD" markalı avtomobilinin yük avtomobili ilə toqquşması nəticəsində 2-si azyaşlı olmaqla, bir ailənin 4 üzvü xəsarət alıb.
Hadisə zamanı xəsarət alan Kəngərli rayon Qıvraq qəsəbə sakinləri, 1959-cu il təvəllüdlü Quliyev Əli Səfər oğlu, 1985-ci il təvəllüdlü Quliyev Xəyal Eli oğlu, 2009-cu il təvəllüdlü Quluzadə Elmin Xəyal oğlu və 2010-cu il təvəllüdlü Quluzadə Emin Xəyal oğlu Naxçıvan Muxtar Respublika Xəstəxanasına yerləşdiriliblər.
Onların ikisinin vəziyyətin orta-ağır olduğu bildirilir.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
