Sumqayıt şəhəri, "stansiya Sumqayıt" adlanan ərazidə doqquzmərtəbəli yaşayış binasında yanğın baş verib.
APA xəbər verir ki, yanğın FHN-in Dövlət Yanğından Mühafizə Xidmətinin qüvvələri tərəfindən genişlənməsinə imkan verilmədən qısa müddətdə söndürülüb. Yanğın zamanı xəsarət alan olmasa da çoxsayda tüstüdən zəhərlənənlər olduğu bildirilir.
Yanğın zamanı 25 bina sakini təhlükəsizlik tədbirləri çərçivəsində təxliyə olunub. Əraziyə həmçinin polis əməkdaşları da cəlb olunub. DİN-in Mətbuat Xidmətindən bildirilib ki, bütün zəruri tədbirlər görülür, ərazi və sakinlərin əmlakı mühafizəyə götürülüb.
Fakt araşdırılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
