Bakı. Etibar Məmmədov - APA. Serbiya Parlamentinin üzvlərindən ibarət nümayəndə heyəti Azərbaycanda keçirilən parlament seçkiləri ilə bağlı mətbuat konfransı keçirib.
APA-nın məlumatına görə, Serbiya parlamentinin vitse-spikeri Vladimir Marinkovic bildirib ki, 5 nəfərdən ibarət müşahidə missiyası Bakıda yerləşən 6 seçki məntəqəsində müşahidə aparıb. Onun sözlərinə görə, seçkilər sakit, şəffaf və demokratik şəraitdə keçirilib: "Bu, Azərbaycanda sabitliyin və inkişafın bir nümunəsidir. Bizim yanaşmamız ondan ibarətdir ki, bu seçkilərdə insan haqları və demokratiya prinsipləri gözlənilib, beynəlxalq standartlara əməl edilib".
O, müşahidə zamanı həm namizədlər, həm də seçicilərlə ünsiyyətdə olduqlarını, bülletenlərin sayılması prosesini müşahidə etdiklərini qeyd edib: "Seçkiləri beynəlxalq təşkilatlar, Avropa və Asiya ölkələrinin nümayəndələri müşahidə ediblər. Onlarla da ünsiyyətdə olarkən bir daha əmin olduq ki, bu seçkilər şəffaflıq və dözümlülük şəraitində keçirilib. Hesab edirik ki, bu, Azərbaycanda demokratiyanın inkişafından xəbər verir. Biz ümid edirik ki, yeni formalaşan parlament sayəsində ölkələrimiz arasında əlaqələri daha da gücləndirəcəyik".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
