Fransanın təyyarə istehsalçısı olan "Airbus" şirkəti ötən il müştərilərinə 566 təyyarə tədarük edib etdi ki, bu da əvvəlki illə müqayisədə 34% azdır. Belə ki, 2019-cu ildə şirkət 863 təyyarə tədarük etmişdi.
"APA-Economics"in məlumatına görə, bu barədə şirkətin açıqlamasında deyilir.
"2020-ci ildə "Airbus" şirkəti 87 müştəriyə 566 kommersiya təyyarəsi tədarük edib ki, bu da COVID-19 pandemiyasına cavab olaraq 2020-ci ilin aprelində qəbul edilən istehsal uyğunlaşma planı çərçivəsində baş verib", - açıqlamada deyilir.
Eyni zamanda, dekabr ayında avialayner tədarükü 89-a çatıb. Bu, bütün il ərzində qeydə alınmış maksimum aylıq göstəricidir və noyabr göstəricisindən (64 təyyarə) 39% çoxdur.
Bununla belə, ötən il şirkət ümumilikdə 268 təyyarənin tədarükü üçün sifariş alıb ki, bu da 2019-cu ilin göstəricisində (768 təyyarə) təxminən 3 dəfə azdır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
