Cari ilin əvvəlindən Azərbaycanın strateji valyuta ehtiyatları 4,1% artaraq 46,6 mlrd. ABŞ dollarına çatıb. ONA-nın Azərbaycan Mərkəzi Bankına istinadən verdiyi məlumata görə, bu, tədiyyə balansının profisitlə formalaşdığını göstərir.
“Xarici mühit əlverişli olaraq qalır. İlkin məlumatlara görə, yanvar-fevral aylarında xarici ticarət balansında 986,3 mln. dollar məbləğində müsbət saldo yaranıb. İxrac 42,6%, o cümlədən qeyri-neft ixracı 16,4% artıb. Son aylarda dünya bazarlarında əmtəə qiymətləri artım meyilli olub. 2019-cu ilin yanvar-fevral aylarında neftin dünya qiyməti orta hesabla 62 ABŞ dolları təşkil edib. Neftin qiyməti ilin əvvəlindən 26% (14 ABŞ dolları) artıb. BMT-nin Ərzaq və Kənd Təsərrüfatı Təşkilatının məlumatına görə dünya ərzaq qiymətləri indeksi yanvar-fevral ayları ərzində 3,4% yüksəlsə də, ötən ilin eyni dövrü ilə müqayisədə 2,2% aşağıdır”, - deyə AMB-nin məlumatında deyilir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
