Deputat: Bakıətrafı kəndlərdə kanalizasiya sistemində ciddi problem var

Deputat: Bakıətrafı kəndlərdə kanalizasiya sistemində ciddi problem var
# 28 fevral 2024 11:07 (UTC +04:00)

Su təsərrüfatı ilə bağlı xüsusi qanun qəbul edilməlidir və bu, bütün su təsərrüfatlarını əhatə etməlidir.

APA xəbər verir ki, bunu Milli Məclisin Təbii ehtiyatlar, energetika və ekologiya və Aqrar siyasət komitələrinin birgə təşkilatçılığı ilə keçirilən “Ölkənin su təsərrüfatı: problemlər və yeni çağırışlar” mövzusunda dinləmədə deputat Fəzail Ağamalı deyib.

Deputat bildirib ki, insanlarımızın suya qarşı münasibəti ürəkaçan deyil: “Biz həm İnzibati Xətalar, həm də Cinayət Məcəlləsində bununla bağlı cərimələr və cəzalar müəyyənləşdirək. Suya qarşı münasibət dəyişməlidir. Daxili çayların, yağış sularının anbarlara yığılaraq istifadəsi çox yaxşı haldır. Bakıətrafı kəndlərdə kanalizasiya sistemində ciddi problemlər var. Bununla bağlı xüsusi dövlət proqramı hazırlanmalıdır. Sudan istifadə edənlər demək olar ki, pul ödəmir. Bunu necəsə tənzimləmək lazımdır”.

#
#

ƏMƏLİYYAT İCRA OLUNUR