Bakıda keçiriləcək Ümumdünya Şəhərsalma Forumunun mövzusu "Sülh şəraitində davamlı inkişaf edən şəhərlər və qəsəbələr" olacaq.
"APA-Economics" xəbər verir ki, bunu Şəhərsalma və Arxitektura Komitəsinin sədri Anar Quliyev deyib.
“Azərbaycan bu gün post-konflikt mövzusunda çox böyük təcrübə əldə edib. Biz dağılmış evləri bərpa etməklə yanaşı, sıfırdan yeni müasir şəhərlər inşa edirik. Artıq o şəhərlərə insanlar köçməyə başlayıb. Ona görə də Azərbaycanın bu təcrübəsi bir çox ölkələrə maraqlıdır”, - Anar Quliyev qeyd edib.