İşğaldan azad olunan ərazilər də daxil olmaqla cari ilin sonunadək ölkədə 3 milyon ağacın əkilməsi nəzərdə tutulub.
“APA-Economics” xəbər verir ki, bunu Ekologiya və Təbii Sərvətlər nazirinin müavini Rauf Hacıyev ölkəmizdə ilk dəfə keçirilən Sənaye Təhlükəsizliyi Zirvəsində çıxışı zamanı deyib.
O bildirib ki, Azərbaycan üçün yaşıl iqtisadiyyata keçid mühüm yer tutur: “Ölkə başçısının “Azərbaycan 2030: sosial-iqtisadi inkişafa dair Milli Prioritetlər”lə bağlı sərəncamında da beşinci prioritet məhz təmiz ətraf mühitin yaradılması ilə bağlıdır. Tullantıların təkrar emalı ilə konkret tapşırıqlar müəyyənləşdirilib”.
“İqtisadiyyatda dekarbonizasiyaya yönələn islahatlar aparılır. Meşə və yaşıllıq ərazilər, geniş aqro bağlar salınır”, - deyə R.Hacıyev vurğulayıb.
O qeyd edib ki, ölkədə tullantıların təkrar emalı, sağlam ətraf mühit, yaşıllıqların artımı, su və dayanıqlı enerji mənbələrindən səmərəli istifadə təmin ediləcək.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
