Bakı – APA-Economics. Azərbaycan Dövlət Gömrük Komitəsinin «Azterminalkompleks» xarici iqtisadi əlaqələr birliyinin İsveç şirkəti ilə bağladığı müqavilədə Komitədə İKT ilə bağlı işlərin davam etdirilməsi nəzərdə tutulur. «APA-Economics»in məlumatına görə, bunu Dövlət Gömrük Komitəsinin (DGK) sədri Aydın Əliyev bildirib.
Onun sözlərinə görə, eyni zamanda may ayında Azərbaycanda bununla bağlı böyük beynəlxalq konfransın keçirilməsi nəzərdə tutulur. Paralel olaraq DGK bu sahədə təcrübəyə ehtiyacı olan ölkələrə də dəstək vermək niyyətindədir. Bununla bağlı fevralın sonunda Azərbaycan gömrük xidmətinin rəsmi nümayəndə heyətinin Əfqanıstana səfəri nəzərdə tutulub.
A.Əliyev bildirib ki, beynəlxalq təşkilatlar Azərbaycan tərəfinin bu addımını alqışlayıb: «Biz Əfqanıstana həm İKT sahəsində yardımlar edəcəyik, həm də Azərbaycanda istifadədə olan müəyyən proqramların Əfqanıstan qanunvericiliyinə uyğun tərtibatına hazır olduğumuzu bildirəcəyik».
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
