Bakı. Aqşin Rafiqoğlu – APA-Economics. Azərbaycanın Gəncə şəhəri və Şəki rayonunda seçilmiş pilot ərazilərin vahid elektron kadastr məlumat bazası və rəqəmsal kadastr xəritələri hazırlanıb. «APA-Economics»in məlumatına görə, bunu Əmlak Məsələləri Dövlət Komitəsinin sədr müavini Rafiq Cəlilov bildirib.
Onun sözlərinə görə, eyni zamanda Gəncə şəhəri və Şəki rayonunun bütün ərazisinin kadastr layihələrinin tərtibinə başlanılıb: «Bakı şəhərinin Sabunçu və Suraxanı rayonlarında daşınmaz əmlakın kadastr işləri isə yekunlaşmaq üzrədir».
Komitə rəsmisi qeyd edib ki, 2015-ci ilin sonuna kimi Bakının müasir tələblərə cavab verən daşınmaz əmlakın kadastrı tərtib ediləcək: «2014-cü ilin sonuna ölkənin 53 rayon mərkəzinin, eyni zamanda onlara bitişik qəsəbə və kəndlərin ərazilərində elektron kadastr məlumat bazası yaradılacaq».
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
