Bakı. Nicat Mustafayev – APA-Economics. Bu ilin fevral ayında Azərbaycanın nəqliyyat sektorunda yükdaşıma tarifləri 1% bahalaşıb, sərnişindaşıma tarifləri isə 1,2% ucuzlaşıb.
Dövlət Statistika Komitəsindən «APA-Economics»ə verilən məlumata görə, dəmir yolu nəqliyyatında 10 ton yükün 1 km məsafəyə daşınmasının orta tarifi idxal üzrə 0,5% ucuzlaşıb, tranzit üzrə 1,8%, yerli əlaqə üzrə 11,7%, ixrac üzrə isə 33,3% bahalaşıb. Ay ərzində MDB ölkələrinə sərnişindaşıma tarifləri 5,8% ucuzlaşıb.
Ay ərzində boru kəməri vasitəsilə neftin nəql olunma tarifi 1,1% artıb.
Hava nəqliyyatında MDB ölkələrinə yükdaşıma və sərnişindaşıma tarifləri müvafiq olaraq 1,3% və 2,3%, digər xarici ölkələrə sərnişindaşıma tarifləri isə 9,3% ucuzlaşıb.
Poçt və kuryer sahəsində sürətli poçt xidmətlərinin tarifləri 5,1% artıb, rabitə sahəsində isə internet rabitəsi xidmətlərinin tarifləri 0,9% ucuzlaşıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
