Bakı. Aynur Əliyeva – APA-Economics. «MilliKart» Prosessinq Mərkəzində xidmət olunan «Azərpoçt» MMC «MasterCard» beynəlxalq ödəniş təşkilatında çip texnologiyaları üzrə sertifikasiya işlərini bitirib və tam olaraq həmin texnologiyalara keçib.
«APA-Economics»in Rabitə və İnformasiya Texnologiyaları Nazirliyinin mətbuat xidmətinə istinadən verdiyi məlumata görə, bundan sonra «Azərpoçt» bütün yeni müştəriləri üçün çip-kartların emissiyasını təmin edəcək, hazırda istifadədə olan maqnit zolaqlı kartları isə istifadə müddəti bitdikcə əvəz edəcək.
Qeyd edək ki, çip texnologiyalı kartlar yüksək təhlükəsizliyi ilə fərqlənir və banklar üçün kartlar üzrə aparılan dələduzluq əməliyyatları risklərini azaldır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
