Gəncə. Azər Məmmədli - APA. Gələn aydan “Azərbaycan Hava Yolları” (AZAL) QSC Gəncə-Antalya-Gəncə istiqamətində çarter reysi üzrə aviauçuşların yerinə yetirilməsinə başlayır.
AZAL-ın Gəncə nümayəndəliyinin rəhbəri Çingiz Fətəliyevin APA-nın qərb bürosuna verdiyi məlumata görə, ilk uçuş iyunun 27-də olacaq.
Onun sözlərinə görə uçuşlar müasir və komfortlu 106 yerlik “Embraer 190” tipli hava gəmiləri ilə həftədə iki dəfə - bazar ertəsi və cümə günləri həyata keçiriləcək. Gəncədən uçuş vaxtı saat 12:20, Antalyaya eniş vaxtı 13:05-də olacaq. Antalyadan uçuş vaxtı isə saat 14:05, Gəncəyə eniş vaxtı 18:30-da olacaq.
Ç.Fətəliyev deyib ki, yeni açılacaq reysdən əsasən turizm şirkətləri tərəfindən xüsusi turlarla Antalyaya istirahətə gedən vətəndaşlar yararlanacaq. Tursuz uçuşların qiyməti isə bir tərəfə 283 manat, iki tərəfə 538 manatdır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
