Bakı. Aynur Əliyeva – APA-Economics. Ötən gün Rusiyanın Volqoqrad şəhərinin dəmir yolu vağzalında baş vermiş partlayış «Azərbaycan Dəmir Yolları» QSC-nin Bakı-Moskva marşrutu ilə hərəkət edən sərnişin qatarının hərəkətinə təsir etməyib.
Bunu «APA-Economics»ə açıqlamasında «Azərbaycan Dəmir Yolları» QSC-nin Mətbuat Katibliyinin rəisi Nadir Əzməmmədov bildirib.
N.Əzməmmədov deyib ki, həmin istiqamət üzrə hərəkət edən qatar artıq Bakıdadır. Qatar gecə saat 03:00-da Azərbaycan paytaxtına çatıb. Hər iki istiqamətdə qatarların hərəkət qrafikində heç bir dəyişiklik edilməyib.
Qeyd edək ki, Bakı-Moskva qatarı həftənin I, III və V günləri saat 20:55-də yola düşür və həmin günlər əhər saatlarında Bakıya çatır.
Xatırladaq ki, dünən Volqoqradın dəmir yolu vağzalında güclü partlayış olub. Hadisə nəticəsində 18 nəfərin həlak olduğu, 40-dan artığının isə yaralandığı bildirilir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
