Bakı. Pərviz Nuriyev – APA-Economics. BMT-nin Ümumdünya Əqli Mülkiyyət Təşkilatının (ÜƏMT) Azərbaycanda öz nümayəndəliyini açmaq niyyətindədir.
Bunu jurnalistlərə açıqlamasında Bakıda səfərdə olan ÜƏMT-in baş direktoru Frensis Qarri bildirib.
“Təşkilatımız dünyanın bir neçə ölkəsində, o cümlədən Azərbaycanda nümayəndəliyinin açılmasında maraqlıdır. Bununla bağlı işlərimiz danışıqlar mərhələsindədir. Halı-hazırda proses davam edir”, - deyə F. Qarri bildirib.
F. Qarri həmçinin bildirib ki, Azərbaycana səfəri çərçivəsində bir sıra rəsmi görüş keçirəcək. “Təşkilatımızla Azərbaycan arasında əməkdaşlıq yüksək səviyyədədir. Xüsusilə, biz Standartlaşdırma, Metrologiya və Patent üzrə Dövlət Komitəsi və Müəllif Hüquqları Agentliyi ilə sıx əməkdaşlıq edirik. Elə səfərin məqsədi də bu əməkdaşlığın genişləndirilməsini müzakirə etməkdən ibarətdir”, - deyə o bildirib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
