Bakı. Nicat Mustafayev – APA-Economics. Martın 16-dan etibarən «UTair Ukraine» aviaşirkəti Xarkov-Bakı-Xarkov marşrutu üzrə birbaşa uçuşlara başlayacaq.
Heydər Əliyev Beynəlxalq Aeroportundan «APA-Economics»ə verilən məlumata görə, Xarkovdan Bakıya və əks istiqamətdə uçuşlar hər həftənin VI günləri «Charles» tipli təyyarələri ilə yerinə yetiriləcək: «Xarkovdan təyyarə yerli vaxtla saat 22:00-da havaya qalxacaq və Bakı vaxtı ilə saat 02:30-da Heydər Əliyev Beynəlxalq Aeroportuna enəcək. Bakı-Xarkov aviareysi üzrə isə uçuş saat 03:30-da yerinə yetiriləcək ki, təyyarə Xarkov vaxtı ilə saat 04:00-da hava limanına enəcək».
Qeyd edək ki, hazırda Bakı ilə Xarkovu həmçinin dəmir yolu əlaqəsi birləşdirir. Bakıdan Xarkova qatar həftənin II günləri saat 23:30-da hərəkət edir və qatar mənzil başına IV günü saat 17:32-də çatır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
