Bakı-Tbilisi-Qars dəmir yolu xətti ilə (BTQ) 2017-2020-ci illər ərzində 11 846 konteyner (20 futluq ekvivalent – TEU) daşınıb.
"APA-Economics"in məlumatına görə, bu barədə "Caspian European Club"ın Bakıda təşkil etdiyi Beynəlxalq "Transport B2B Forum"u çərçivəsində "ADY-Konteyner" MMC-nin biznesin inkişafı üzrə direktoru Rəşad Məcidov jurnalistlərə bildirib.
"2017-ci il oktyabrın 30-da istifadəyə verilən BTQ ilə yükdaşımaların həcmi ilbəil artır", - deyə R. Məcidov qeyd edib.
Onun sözlərinə görə, hesabat dövründə sözügedən dəmir yolu xətti ilə daşınan konteynerlərin 9 105-i tranzit yüklərin payına düşüb. Nəql edilən konteynerlərin qalan hissəsi isə idxal və ixrac edilən yüklər olub.
R. Məcidov onu da qeyd edib ki, 2019-cu ildə BTQ ilə 5 907 konteyner daşınıb, bu da 2018-ci ilin göstəricisi ilə müqayisədə 43% çoxdur.
Bu ilin yanvar-fevral ayları ərzində BTQ ilə 1 542 konteyner nəql edilib ki, onlardan 1 165-i tranzit yüklərin payına düşüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
