Maliyyə

Ana səhifə

Maliyyə

Azərbaycanda yeni 100 dollarlıq əskinasların təqdimatı keçirilib

22 aprel 2010 10:35 (UTC +04:00)

«APA-Economics»in məlumatına görə, tədbirdə ABŞ-ın Azərbaycandakı səfirinin iqtisadi məsələlər üzrə məsləhətçisi Şennon Ranyon yeni əskinasın 2011-ci ilin fevral ayının 10-dan dövriyyəyə buraxılacağını qeyd edib. «Yeni əskinas buraxıldıqdan sonra dövriyyədə olan 6,5 mlrd-a yaxın bütün köhnə əskinaslar etibarlı olaraq qüvvədə qalacaq. Yeni dizayn 100 dollarlıq əskinaslarda iki yeni xussiyyət – üçqat təhlükəsizlik zolağı və mürəkkəb qabında zəng işarəsi daxil olmaqla, bir sıra təhlükəsizlik xüsusiyyətləri mövcudur. Bu təhklükəsizllik xüsusiyyətləri istehlakçılar və alıcıların əllərindəki əskinasların həqiqiliyini yoxlamalarını asanlaşdırır», - deyə səfirlik rəsmisi vurğulayıb.

Ş.Ranyonun sözlərinə görə, yeni 100 dollarlıq əskinasın üz hissəsindəki mavi üçqat zolağı yerini dəyişən və əskinası əyən zaman biri-birini əvəz edən zəng işarələri və 100 rəqəmindən ibarət görüntülər əmələ gəlir: «Əskinasın üz hissəsində yerləşən mürəkkəb qabında zəng işarəsi digər yeni təhlükəsizlik xüsusiyyətidir. Zəng işarəsinin rəngi əskinazı əyən zaman mis rəngindən yaşıla dəyişir və bu zaman əmələ gələn və itən misrəngli mürəkkəb qabı effekti verir».

Ş.Ranyon bildirib ki, dövriyyədə olan dollar kütləsinin cəmi 1%-i saxta əskinsaların payına düşür. Yeni 100 dollarlıq əskinas ABŞ hüdudları xaricində ən geniş dövriyyəyə malik və daha çox saxtalaşdırılan valyutadır.