Maliyyə

Ana səhifə

Maliyyə

Beynəlxalq Sığorta Şirkətinin ötən il topladığı sığorta haqlarının həcmi 10 mln. manatı keçib

17 fevral 2011 15:04 (UTC +04:00)

Bakı. Elnur Hüseynquluyev - APA-Economics. Azərbaycanın Beynəlxalq Sığorta Şirkətinin (BSŞ) 2010-cu il ərzində topladığı sığorta haqlarının həcmi 10,192 mln. manata çatıb.

BSŞ-dən «APA-Economics»ə verilən məlumata görə, hesabat ilində şirkətin sığorta riskləri üzrə ödənişlərinin həcmi 5,270 mln. manat olub.

Daxilolmaların strukturunda ən çox sığorta haqqı «Avtonəqliyyat vasitələrinin sığortası» (3,805 mln. manat), «Tibbi sığorta» (3,134 mln. manat), «Əmlakın yanğından və digər risklərdən sığortası» (847,929 min manat) və «Əmlakın yanğından icbari sığorta sığortası» (614,377 min manat) növləri üzrə toplanılıb ki, bu növlərin məcmu sığorta haqlarında payı müvafiq olaraq 37,3%, 31%, 8,3% və 6% təşkil edib.

Bu müddət ərzində şirkət tərəfindən könüllü sığorta növləri üzrə 9,151 mln. manat, icbari sığorta növləri üzrə isə 1,041 mln. manat məbləğində sığorta haqqı toplayıb.

Ödənişlərin strukturuna gəldikdə isə, könüllü sığorta növləri üzrə 5,270 mln. manat, icbari sığorta növləri üzrə cəmi 40,458 min manat məbləğində ödəniş həyata keçirilib.

Ödəmələrdə ən çox vəsait «Tibbi sığorta» (2,908 mln. manat və ya 55,2%) və «Avtonəqliyyat vasitələrinin sığortası» (2,192 mln. manat və ya 42%) növləri üzrə ödənilib.

Xatırladaq ki, BSŞ 2002-ci ildə Azərbaycan Beynəlxalq Bankı tərəfindən təsis edilib. Şirkət müştərilərə 37 sığorta növü üzrə xidmət göstərir.