Maliyyə

Ana səhifə

Maliyyə

Azərbaycan Mərkəzi Bankı stress testləşdirmə ilə bağlı treninq keçirir

22 fevral 2011 10:09 (UTC +04:00)

Bakı. Elnur Hüseynquluyev – APA-Economics. Azərbaycan Mərkəzi Bankının (AMB) Tədqiqatlar və İnkişaf Mərkəzi (TİM) Azərbaycan Bank Tədris Mərkəzi (ABTM) ilə birgə SECO (İsveçrə) təşkilatının dəstəyi ilə «Stress testləşdirmə» və «Kredit portfelinin idarə olunması» mövzularında treninqlər təşkil edir.

AMB-dən «APA-Economics»ə verilən məlumata görə, treninqlər nüfuzlu beynəlxalq təhsil ocaqlarından olan Vaterloo Universitetinin təcrübəli professoru Tomas Koulman və fəlsəfə doktoru Deyvid Saunders tərəfindən ingilis dilində aparılır.

«Stress testləşdirmə» mövzusundakı treninq fevralın 21-22-də, «Kredit portfelinin idarə olunması» mövzusundakı treninq isə fevralın 24-25-də keçiriləcək. Treninqlərdə stress-testlərin mahiyyəti və stress-testin aparılması metodologiyası, kredit portfelinin idarə olunması məsələləri geniş müzakirə olunacaq, nəzəri biliklər ilə yanaşı praktiki alətlər təqdim olunacaq.

Treninqdə AMB və kommersiya banklarının müvafiq sahədə çalışan əməkdaşları iştirak edirlər. Treninqlərin sonunda iştirakçılara AMB-nin, ABTM-nin və Vaterloo Universitetinin birgə sertifikatı təqdim olunacaq.