"Hadisələrin idarəetmə sistemi artıq hazırdır, yaxın vaxtlarda pilot formasında bir sıra sığorta şirkətlərdə tətbiqinə başlanacaq".
APA-nın məlumatına görə, bunu bu gün İcbari Sığorta Bürosunun icraçı direktoru Rəşad Əhmədov KİV nümayəndələri üçün təşkil olunmuş maarifləndirici seminarda çıxış edərkən bildirib.
R. Əhmədov deyib ki, bu sistem icbari sığorta növləri üzrə sığorta tələblərinin vahid informasiya sistemi üzərindən mərkəzləşdirilmiş qaydada qeydiyyatının aparılması və tənzimlənməsini nəzərdə tutur: "Burada avtomobil qəzaları zamanı sığorta ödənişi üçün vacib olan Forma-4-ün alınması sahəsində müddətin azaldılmasından gedir. Qanunvericiliyə görə Forma-4 10 gün müddətində verilməlidir. Hadisələrin idarə edilməsi sistemi fəaliyyətə başladıqdan sonra sığortalı bu sahədə vaxt itkisi, bu sənədi Dövlət Yol Polisindən alaraq sığorta şirkətinə təqdim etməsi kimi əziyyətlə üzləşməyəcək. Daxili İşlər Nazirliyi elektron qaydada Forma-4-ü sığorta şirkətinə göndərəcək. Forma-4 xüsusən qəzalar zamanı 1 000 manatdan yuxarı ziyan dəyərkən hadisənin obyektiv mənzərəsinin məlum olması üçün sığorta şirkətləri üçün vacibdir".
R. Əhmədov Hadisələrin idarəetmə sisteminin iyunun 28-də keçiriləcək Sığorta Forumunda təqdimatının keçiriləcəyini də açıqlayıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
