Beynəlxalq Valyuta Fondu (BVF) Azərbaycanın tədiyyə balansının cari əməliyyatlar hesabının profisiti üzrə 2026–2027-ci illərə dair proqnozlarını yüksəldib.
"APA-Economics" xəbər verir ki, bu barədə Fondun hesabatında qeyd olunub.
Yenilənmiş proqnozlara əsasən, 2026-cı ildə Azərbaycanın cari əməliyyatlar hesabının profisitinin ümumi daxili məhsulun (ÜDM) 11,3%-ni, 2027-ci ildə isə 9,8%-ni təşkil edəcəyi gözlənilir.
BVF-nin may ayında açıqladığı əvvəlki proqnozlarda bu göstəricilər müvafiq olaraq 9,7% və 5,4% səviyyəsində qiymətləndirilirdi.
Beləliklə, Fond Azərbaycanın cari əməliyyatlar hesabının profisiti üzrə proqnozunu 2026-cı il üçün 1,6 faiz bəndi, 2027-ci il üçün isə 4,4 faiz bəndi artırıb.
Qeyd edək ki, 2026-cı ilin birinci yarısında Azərbaycanın tədiyyə balansının cari əməliyyatlar hesabının profisiti 4,7 milyard ABŞ dolları və ya ÜDM-in 12,4%-i səviyyəsində olub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
