Azərbaycanda əhalinin banklardakı əmanətləri yanvar ayında ən pik həddə çatıb.
"APA-Economics” Azərbaycan Mərkəzi Bankına istinadən xəbər verir ki, bu il fevralın 1-nə əhalinin banklardakı əmanətləri (Bura fərdi sahibkarlıqla məşğul olan fiziki şəxslərin depozitləri də daxil ) 14 mlrd. 698.7mln. manat təşkil edib. Bu isə əvvəlki ayla müqayisədə 0,2% və ya 36,8 mln. manat çoxdur.
Ötən ilin sonuna bu rəqəm 14 mlrd. 661,9 mln. manat təşkil edib.
Fiziki şəxslərin əmanətlərinin 66%-i (9,497 mln. manat) milli valyutada, 34%-i (4,888.4 mln. manat) xarici valyutadadır. Fiziki şəxslərin əmanət portfelinin 60.8%-i (8,746.8 mln. manat) müddətli əmanətlərdən ibarətdir. Fiziki şəxslərin müddətli əmanətləri yanvar ayında 1.7% və ya 146 mln. manat artıb.
Qeyd edək ki, əhalinin banklardakı əmanətlərinin həcmi 2021-ci ildən etibarən davamlı artım tendensiyası nümayiş etdirib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
