Bakı. Pərviz Nuriyev – APA-Economics.“Unibank”ın “Albalı Plus” kuboku uğrunda futbol çempionatı başa çatmaqdadır. Bu günlərdə Kubokun sahibləri məlum olacaq.
Bankdan “APA-Economics”ə verilən məlumata görə, bank əməkdaşlarının və 10-dan artıq partnyor komandanın qatıldığı həyəcan dolu oyunlarda, 30-dan çox komanda “Albali Plus”Kuboku uğrunda gərgin mübarizə aparıb.
Avqustun 3-də Abu Arena İdman Kompleksində keçirilən final oyunlarında qalib komandalar müəyyənləşəcək. Partnyor şirkətlərin və müştərilərin də qatılacağı kubok qaliblərinin təntənəli mükafatlandırılması mərasiminin iştirakçılarını sürprizlər gözləyir.
“Albalı Plus” kuboku uğrunda futbol çempionatında 10-dan artıq şirkətin komandası iştirak edib. Çempionat olimpiya sistemi, yəni uduzan çıxdı qaydası ilə keçirilib. Oyunlar AFFA hakimləri tərəfindən idarə olunur. Qalib gələn komandaları kubok və medallarla yanaşı, pul mükafatı gözləyir. Çempionatın ən çox qol vurmuş oyunçusuna və ən yaxşı qapıçısına da xüsusi hədiyyə təqdim olunacaq.
Qeyd edək ki, avqustun 3-də saat 19.00-da final oyunlarına start veriləcək. Çempionat başa çatdıqdan sonra qalib komandaların möhtəşəm mükafatlandırma mərasimi keçiriləcək.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
