Bakı. Pərviz Nuriyev - APA-Economics. 2014-cü ilin II rübündə “Bank Nikoil”in aktivlərinin həcmi 311,902 mln. manat təşkil edib ki, bu da ötən ilin müvafiq dövrü ilə müqayisədə 39,44% çoxdur.
Bankdan «APA-Economics»ə verilən məlumata görə, 2013-cü ilin yanvar-iyun ayları ilə müqayisədə bu ilin eyni dövründə bankın kredit portfeli 26% artaraq 244,764 mln. manat olub.
Hesabat dövründə istehlak kreditlərinin həcmi 81,523 mln. manat təşkil edib ki, bu da 2013-cü ilin iyul ayının 1-nə olan göstəriciyə nisbətən 27,04% azdır.
Bu ilin 6 ayında bankda vaxtı keçmiş kreditlərin həcmi 42,553 mln. manat olub. Bu da ötən ilin analoji dövrü ilə müqayisədə 2% azdır.
Bankın ipoteka kreditlərinin həcmi bu ilin iyul ayının 1-nə 27,888 mln. manat olub ki, bu da keçən ilin analoji dövründəkindən 95% çoxdur və kreditlərin 23,281 mln. (83,48%) manatı ipoteka fondunun xətti ilə verilən kreditlərin payına düşür.
Ötən ilin yanvar-iyun ayları ilə müqayisədə bu ilin müvafiq dövründə bankın depozit portfeli 40,54% artaraq 171,890 mln. manat təşkil edib. Hesabat dövründə əhalinin əmanətlərinin həcmi isə 144,328 mln. manata bərabər olub ki, bu da illik müqayisədə 38,04% çoxdur.
Bir il ərzində bankın məcmu kapitalı 82,82% artaraq 58,431 mln. manata, nizamnamə kapitalı isə 53,3% artaraq 34,5 mln. manata çatıb.
Bu il iyulun 1-nə bankın gəlirləri ötən ilin müvafiq dövrünə nisbətən 35,3% artaraq 22,784 mln. manat, xərcləri isə 66,36% artaraq 26,422 mln. manat olub.
Cari ilin ilk altı ayı ərzində bankın əldə etdiyi mənfəət 2 mln. 379,94 min manat təşkil edib.
Hazırda bankın ölkə üzrə 19 filialı, 29 bankomatı, 307 POS-terminalı fəaliyyət göstərir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
