Bakı. Musa Əhmədov – APA-Economics. Vergilər Nazirliyi "Asan İmza" mobil elektron imza vasitəsilə Əmək müqaviləsi bildirişlərinin qeydiyyata alınması barədə təlimatı saytına yerləşdirib.
Nazirlikdən “APA-Economics”ə verilən məlumata görə, artıq "Asan İmza" mobil elektron imza vasitəsilə təşkilatın səlahiyyətli nümayəndələri tərəfindən əməkdaşlarla bağlanan əmək müqavilələri haqqında məlumatların daxil edilməsi və sonradan bu məlumatların işçilər tərəfindən əldə edilməsi mümkündür.
Səlahiyyətlini təyin edəcək rəhbər şəxslər və bildirişlər haqqında məlumatların “Asan İmza” vasitəsi ilə daxil edilməsini həyata keçirən səlahiyyətlilər üçün nəzərdə tutulan bu təlimatda həmin prosesin
mərhələləri əyani şəkildə ətraflı izah edilib.
Xatırladaq ki, iyul ayının 1-dən etibarən "Elektron hökumət" (www.e-gov.az) portalında Əmək və Əhalinin Sosial Müdafiəsi Nazirliyinin "Əmək müqaviləsi bildirişlərinin qeydiyyata alınması və bu barədə
işəgötürənə məlumatın verilməsi", həmçinin "Əmək müqaviləsi bildirişləri barədə məlumatların işçilər tərəfindən əldə edilməsi" xidmətləri yerləşdirilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
