Maliyyə

Ana səhifə

Maliyyə

Yığımları kəskin artan və azalan sığorta şirkətləri məlum olub - SİYAHI

31 oktyabr 2022 11:27 (UTC +04:00)

2022-ci ilin doqquz ayı üzrə Azərbaycan sığorta bazarında yığımları ən çox artan və azalan sığorta şirkətləri məlum olub.

“APA-Economics”in araşdırmasına görə, 20 sığorta şirkətindən 8-nin yığımları azalıb, 12-nin yığımları isə artıb.

Son bir ildə sığorta yığımları ən çox azalan şirkət “Azərsığorta” olub – 42 milyon manat. Belə ki, sığorta şirkətinin yığımları bu ilin doqquz ayı üzrə 9,5 milyon manat olub. Halbuki, ötən ilin üçüncü rübü üzrə şirkət 51,5 milyon manat sığorta haqqı toplamışdı. Bu da ötən ildən etibarən dövlət icbari şəxsi sığorta növləri ilə bağlı yığımların toplanmasının “Azərsığorta”dan alınaraq Dövlət Sosial Müdafiə Fonduna həvalə olunması ilə bağlıdır.

Siyahıda ikinci olan “AtaSığorta”nın yığımları son bir ildə 61,2% və ya 5,7 milyon manat azalaraq 3,6 milyon manata düşüb.

Hesabat dövrü üzrə “Günay Sığorta”nın yığımları 29% və ya 2,3 milyon manat azalaraq 5,7 milyon manata, “Meqa Sığorta”nın yığımları isə 9,5% və ya 1,7 milyon manat azalaraq 16,8 milyon manata enib.

Sığorta yığımları azalan şirkətlər sırasında həyat sığorta şirkəti “Qala Həyat” da yer alıb. Şirkətin yığımları 1,1% və ya 168 min manat azalaraq 14,7 milyon manata düşüb. “Naxçıvan Sığorta” üzrə azalma müvafiq olaraq 0,2% və 4 min manat olub.

Sığorta yığımları ən çox artan şirkətlər siyahısında isə “PAŞA Həyat” birinci olub. Şirkətin yığımları son bir ildə 31,9% və ya 75 milyon manat artaraq 310,5 milyon manata çatıb.

“PAŞA Sığorta”nın yığımları 14,8% və ya 22,3 milyon manat artaraq 172,9 milyon manata, “Xalq Sığorta”nın yığımları isə 46,4% və ya 9,6 milyon manat artaraq 30,2 milyon manata çatıb.

“Atəşgah Sığorta” 28,7% və ya 4,9 milyon manat artımla siyahıda dördüncü, “İpək Yolu Sığorta” isə 30,4% və ya 4,5 milyon manat artımla beşinci olub. “Atəşgah Sığorta” bu ilin doqquz ayında 22,2 milyon manat, “İpək Yolu Sığorta” isə 19,4 milyon manat sığorta haqqı toplaya bilib. Tam siyahı isə belədir:

Sığortaçı	Yığımlar III rüb/2022 *min manatla*	Yığımlar III rüb/2021	Nisbi dinamika	Mütləq dinamika
“Azərsığorta”	9 539	51 544	-81,5%	- 42 005
“AtaSığorta”	3 652	9 402	-61,2%	- 5 750
“Qala Sığorta”	33 423	36 318	-8,0%	-2 896
“Günay Sığorta”	5 669	7 989	-29,0%	- 2 321
“Meqa Sığorta”	16 757	18 509	-9,5%	- 1 752
“Qala Həyat”	14 728	14 895	-1,1%	- 168
"Naxçıvansığorta"	1 753	1 756	-0,2%	- 4
“Atəşgah Həyat”	36 558	35 685	2,4%	873
“AzSığorta”	9 286	8 382	10,8%	904
“Bakı Sığorta”	4 927	3 808	29,4%	1 119
“Meqa Həyat Sığorta”	1 646	339	385,5%	1 307
“Azərbaycan Sənaye Sığorta”	11 448	9 926	15,3%	1 522
"Xalq Həyat"	5 769	4 009	43,9%	1 760
“A-Qroup Sığorta Şirkəti”	13 201	10 399	26,9%	2 802
"Aqrar Sığorta"	7 740	3 984	94,3%	3 757
“İpək Yolu Sığorta”	19 355	14 847	30,4%	4 508
“Atəşgah”	22 186	17 237	28,7%	4 949
“Xalq Sığorta”	30 190	20 628	46,4%	9 562
“Paşa Sığorta”	172 884	50 626	14,8%	22 258
“Paşa Həyat Sığorta”	310 509	235 335	31,9%	75 174