Bakı-APA. İyulun 21-də BMT Təhlükəsizlik Şurasında Donbasda sərnişin təyyarəsinin qəzası ilə bağlı beynəlxalq tribunalın yaradılması məsələsinə baxılacaq.
APA-nın məlumatına görə, bu barədə TASS agentliyinə BMT-dəki mənbə məlumat verib.
“Qətnamə layihəsi üzərində iş artıq yekunlaşıb. Səsvermənin iyulun 21-də keçiriləcəyi planlaşdırılır”, deyə mənbə bildirib.
Qeyd edək ki, bir qədər əvvəl Malayziyanın BMT-dəki nümayəndəliyi qəza ilə əlaqədar müstəqil təhqiqat aparmaq üçün beynəlxalq tribunalın yaradılmasını təklif etmişdi.
Xatırladaq ki, 2014-сü ilin iyulunda Amsterdam- Kuala-Lumpur marşrutu ilə uçan “Malaysia Airlines” şirkətinə məxsus “Boeing” sərnişin təyyarəsi Donetsk vilayətində qəzaya uğramışdı. Nəticədə təyyarənin göyərtəsində olan 283 sərnişin və 15 ekipaj üzvü həlak olmuşdu.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
