Bakı-APA. Beynəlxalq Valyuta Fondu (BVF) Rusiyada ÜDM-nin artım proqnozunu 2,5 faizdən 1,5 faizədək azaldıb. APA-nın “BBC”yə istinadən verdiyi xəbərə görə, 2014-cü il üçün analoji göstərici 3,3 faizdən 3 faizədək azaldılıb.
BVF ekspertləri hesab edir ki, Rusiyada zəif iqtisadi konyuktura, kapitalın çıxarılmasının güclənməsi, fond bazarının zəifləməsi və investisiya qoyuluşunun azalması iqtisadi artımın qabağını alacaq amillər olacaq.
BVF həmçinin qlobal iqtisadi artımla bağlı da proqnozlarına dəyişikliklər edib. Belə ki, cari ildə artım proqnozu 3,2 faizdən 2,9 faizə endirilib. BVF hesablamalarına görə, 2014-cü ildə isə dünya iqtisadiyyatı 3,6 faizədək yüksələcək.
Proqnozların yenidən baxılmasına inkişaf edən iqtisadiyyatların zəifləməsi səbəb olduğu bildirilir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
