Mədəniyyət siyasəti

Ana səhifə

Mədəniyyət siyasəti

“Deyilən söz yadigardır” bədii qiraət müsabiqəsi qaliblərinin mükafatlandırma mərasimi keçirilib- FOTO

“Deyilən söz yadigardır” bədii qiraət müsabiqəsi qaliblərinin mükafatlandırma mərasimi keçirilib- <font color=red> FOTO</font>

22 dekabr 2010 16:31 (UTC +04:00)

Bakı. Ülkər Qasımova – APA. Bu gün Azərbaycan Dövlət Gənc Tamaşaçılar Teatrında “Deyilən söz yadigardır” V Respublika bədii qiraət müsabiqəsi qaliblərinin mükafatlarının təqdimolunma mərasimi keçirilib. APA-nın məlumatına görə, Göyçayda Rəsul Rzanın 100 illiyinə həsr edilən “Deyilən söz yadigardır” V Respublika bədii qiraət müsabiqəsi Mədəniyyət və Turizm Nazirliyinin təşkilatçılığı ilə keçirilib. Müsabiqədə 34 bölgəni təmsil edən 70 nəfər iştirak edib.

Mədəniyyət və turizm nazirinin müavini Ədalət Vəliyev bildirib ki, müsabiqə Azərbaycan söz xəzinəsinin nadir incilərindən olan şeir, mənsur şeir, nəsr yaradıcılığının geniş təbliği, bədii qiraət ifaçılarının yeni, gənc nəslinin üzə çıxarılması, mədəniyyət ocaqlarında bu işin daha da canlandırılması, aydın tələffüzü olan, səlis danışıq tərzinə malik gənclərin aşkarlanması və yetişdirilməsi məqsədilə təşkil olunub.

Münsiflər heyətinin qərarı ilə I yerə Mədəniyyət və İncəsənət Universitetinin “Dram rejissoru” fakültəsinin tələbəsi Pərvinə Ərzənalıyeva (500 manat, laureat adı və diplom), II yerə Dövlət İqtisadiyyat Universitetinin tələbəsi Könül Qurbanova (300 manat, laureat adı və diplom), III yerə Azərbaycan Dövlət Rus Dram Teatrının aktrisası Həcər Ağayeva (250 manat, laureat adı və diplom) layiq görülüb. Həvəsləndirici mükafatlar (100 manat və diplom) Salyan Dövlət Kukla Teatrının aktyoru Rauf Həsənova, Bakı şəhərindəki Əmircan Mədəniyyət Evinin təmsilçisi Firuz Rəfiyevə və Göygöl rayonunun təmsilçisi Arzu Cəlilovaya təqdim olunub. Göyçay rayon Mədəniyyət və Turizm şöbəsinin təsis etdiyi xüsusi mükafatla (100 manat və diplom) isə Ucar rayonunu təmsil edən Elçin Məmmədov təltif edilib.