Mədəniyyət siyasəti

Ana səhifə

Mədəniyyət siyasəti

Əbülfəs Qarayev: “Katya Lel Azərbaycan xalqından və dövlətindən üzr istədiyinə görə Azərbaycanın qapıları onun üçün açıqdır” - FOTO

Əbülfəs Qarayev: “Katya Lel Azərbaycan xalqından və dövlətindən üzr istədiyinə görə Azərbaycanın qapıları onun üçün açıqdır” - <font color=red>FOTO </font>

27 dekabr 2010 14:56 (UTC +04:00)

Ancaq kim qəsdən gedib bədnam qonşuların siyasətini dəstəkləyirsə, o şəxsə nəinki qapılarımız bağlıdır, onu heç Azərbaycanın sərhədinə yaxın qoyamayacağıq”. Bu sözləri mədəniyyət və turizm naziri Əbülfəs Qarayev APA-nın 2005-ci ildə ermənilərin işğal etdiyi Azərbaycan torpağı Qarabağda konsert verən Katya Lelin yanvarın 30-da Heydər Əliyev Sarayında çıxış etməsi ilə bağlı suala cavab olaraq deyib.

Nazir açıqlamasında bildirib ki, Katya Lel Azərbaycan xalqından və dövlətindən üzr istədikdən sonra onun Azərbaycanda çıxış etməsi ilə bağlı qarşısına qoyulan qadağa götürülüb: “Katya Lel üzr istəyib və öz səhvini başa düşdüyünü deyibsə, eyni zamanda Azərbaycan xalqı qarşısında çıxış etmək istəyibsə, öz səhvini etiraf etmək üçün onun üçün imkan yaradılmalıdır. Katya Lel Qarabağa günlük gedib və orada vəziyyəti biləndən sonra etirazını bildirdi. Azərbaycan dövlətindən və xalqından üzr istədi. Azərbaycanı çox sevdiyini və belə bir vəziyyətdə ondan istifadə etdiklərini etiraf etdi. Bu da bir siyasətdir. Qonşularımız bizi bu yolla müğənnilərdən, bu cür tanınmış mədəniyyət xadimlərindən məhrum etmək istəyirlər. Niyə biz bunu qəbul etməliyik?”

Ə. Qarayev ermənilərin bu yolda həyata keçirdikləri xoşagəlməz siyasətdən də danışıb: “Bizim bədnam qonşularımız çox maraqlı bir siyasəti həyata keçirirlər. Siyasətdən tamamilə uzaq olan müğənniləri, mədəniyyət xadimlərini yalandan aldadaraq aparırlar Qarabağa, sonra da deyirlər ki, gəlib Qarabağda konsert verdilər. Jerar Depardyenin də Azərbaycana gəlişi zamanı da az qalmışdı burada haray qalxsın. Ancaq Jerar Depardye xəbər tutanda ki, həmin ərazi işğal altında olan Azərbaycan torpağıdır, o qətiyyən etirazını bildirdi və heç bir yerə getmədi”.