Lənkəran. Ağəddin Babayev – APA. Martın 10-da Nəcəf bəy Vəzirov adına Lənkəran Dövlət Dram Teatrının səhnəsində "Muğam aləmi" III Beynəlxalq muğam festivalı çərçivəsində Üzeyir Hacıbəylinin "Leyli və Məcnun" operasından parçalar nümayiş etdirilib.
APA-nın cənub bürosunun məlumatına görə, opera Qara Qarayev adına Azərbaycan Dövlət Kamera Orkestrinin xor kapellasının və solistlərin ifasında səsnləndirilib.
Tədbiri açan Lənkəran Şəhər İcra Hakimiyyəti başçısının müavini Vüsal Nəsirli festival iştirakçılarına uğurlar arzulayıb. Azərbaycan Dövlət Akademik Opera və Balet Teatrının baş rejissoru Hafiz Quliyev isə çıxışında ilk dəfə olaraq festival çərçivəsində Bakı ilə yanaşı bölgələrdə də yerli və xarici musiqiçilərin iştirakı ilə konsertlərin təşkil edilməsinin nəzərdə tutulduğunu qeyd edib.