Zaqatala. Vüqar Heydərov – APA. Azərbaycanın şimal-qərb bölgəsinə təbii qazın verilişi dayandırılıb.
APA-nın Şəki-Zaqatala bürosunun məlumatına görə, bu gün saat 13:00 radələrində Zaqatala və Balakən rayonlarına verilən təbii qazın nəqli əhaliyə heç bir xəbərdarlıq edilmədən dayandırılıb.
Zaqatala rayon Qaz İstismarı İdarəsindən APA-ya bildirilib ki, rayonda qazın kəsilməsinə səbəb magistral qaz kəmərində həyata keçirilən təmirlə bağlıdır. Lakin idarədən qaz verilişinin nə zaman bərpa ediləcəyi açıqlanmayıb.