Bakı. Könül Cəfərli-APA. Avropa Birliyi (AB) İranın nüvə proqramı ilə əlaqədar olaraq, Tehrana qarşı yeni sanksiyalar qəbul edib. APA-nın məlumatına görə, bu barədə AB-nin yaydığı mətbuat açıqlamasında yazılıb. Sanksiyalar nüvə proqramını davam etdirən İrana qarşı iqtisadi məhdudiyyətləri daha da artırıb: “İran hökumətini və nüvə fəaliyyətini dəstəkləyən daha 18 şirkətə və 1 fiziki şəxsə qarşı sanksiya tətbiq edilib. Adları sanksiya siyahısına əlavə edilən şirkətlərin nümayəndələri Avropa Birliyinin ərazisinə səfər edə bilməyəcəklər. Həmçinin sanksiyaya məruz qalan şəxslərin Avropadakı bütün aktivləri dondurulacaq”.
Avropa Birliyinin hazırkı “qara siyahı”sında İrana bağlılığı olan 490-a yaxın şirkət və qurumun, 105 fiziki şəxsin adı var.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
