Salyan. Əlibəy Zeynallı - APA. Şirvan şəhəri, Hacıqabul və Salyan rayonlarının bir hissəsinə qazın verilməsində məhdudiyyət yaranıb.
Şirvan şəhər qaz təchizatı idarəsindən APA-nın Mil-Muğan bürosuna verilən məlumata görə, buna səbəb diametri 1220 mm-lik Astara-Qazıməmməd magistral qaz kəmərinin yerinin dəyişdirilməsi işlərinin aparılmasıdır.
Bildirilir ki, “Azəriqaz” İB-nin 30 oktyabr 2012-ci il tarixli 1398/05 saylı telefonoqramına əsasən, “Qaz təsərrüfatında təhlükəsizlik, tikinti norma və qaydaları”nın tələblərinə əməl etməklə Müdafiə Sənayesi Nazirliyinin balansında olan zavodun ərazisindən keçən diametri 1220 mm-lik Astara-Qazıməmməd magistral qaz kəmərinin təhlükəsiz əraziyə köçürülməsi məqsədilə yeni çəkilmiş 2,2 km uzunluğunda qaz kəmərinin qaz təchizatı mənbəyinə birləşdirilməsi ilə əlaqədar 14-15 noyabr 2012-ci il tarixlərində diametri 1220 mm-lik Astara-Qazıməmməd magistral qaz kəmərində qazın nəqlinin dayandırılması planlaşdırılır. Bu məqsədlə noyabrın 14-dən magistral qaz kəmərinin yerinin dəyişdirilməsinə start verilib. İşlərin bu gün axşam yekunlaşması gözlənilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
