Bakı. Etibar Məmmədov – APA. Bakı Müharibə Əlil və Veteranları İctimai Birliyi ilə “Boevoye Bratstvo” Ümumrusiya Veteranları İctimai Təşkilatının Dağıstan şöbəsi arasında əməkdaşlıq sazişi imzalanıb.
APA-nın məlumatına görə, mərasimdə çıxış edən Bakı Müharibə Əlil və Veteranları İctimai Birliyinin sədri Fuad Rzayev bildirib ki, imzalanan müqavilə olduqca əhəmiyyətlidir.
Onun sözlərinə görə, müqavilənin məqsədi dövlətlər arasında uzunmüddətli sülh və əməkdaşlığın yaranmasına kömək etməkdir: “Eyni zamanda bu müqavilə regionda gedən ictimai-siyasi proseslərin gedişatı haqqında beynəlxalq ictimaiyyəti məlumatlandırmaq, əməkdaşlığa və sülhə maneə yaradan amillərin aradan qaldırılmasında qüvvələrin birgə iştirakını təmin etmək, veteranların psixoloji-mənəvi vəziyyətlərinin bərpasına xidmət edir”.
Dağıstan veteranlarının rəhbəri Maqomed Qurbanov da müqavilənin iki təşkilat arasında əlaqələrin güclənməsinə xidmət edəcəyini vurğulayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
