Bakı-APA. Venesuela prezidenti Nikolas Maduro Kolumbiyanın keçmiş prezidenti Alvaro Uribeni (2002-2010) ölkədəki iğtişaşları hazırlamaqda ittiham edib.
APA-nın “RİA Novosti”yə istinadən verdiyi xəbərə görə, Alvaro Uribe iğtişaşlarda iştirak edən faşist hərəkatlarını maliyyələşdirir və idarə edir.
Qeyd edək ki, fevralın 15-də Venesuelanın müxtəlif şəhərlərində Maduro tərəfdarları və əleyhdarlarının yürüşü keçirilib. Toqquşmalar nəticəsində 3 nəfər ölüb, onlarla insan xəsarət alıb və saxlanılıb.