Bakı. Rüfət Əhmədzadə – APA. Beynəlxalq Atom Enerjisi Agentliyinin baş konfransına İsrailin nüvə imkanlarından narahatlıq ifadə edən qətnamə layihəsi təqdim olunub.
APA - nın “RİA Novosti”yə istinadən verdiyi məlumata görə, 18 ərəb dövlətinin imzaladığı qətnamə layihəsində İsrailin Nüvə Silahlarının Yayılmaması barədə sazişə qoşulması, habelə İsrailin nüvə obyektlərinin BAEA-nın nəzarətinə verilməsi üçün Tel-Əvivə çağırışlar etmək təklif olunur.
Qətnamə layihəsinin əsas məqsədi Yaxın Şərqdə nüvə silahından azad zona yaratmaqdır.
Sabah ərəb dövlətlərinin təqdim etdiyi qətnamə layihəsi ilə bağlı debatların keçiriləcəyi gözlənilir.