Goranboy rayonunda 3 nəfərin ölümü, 4 nəfərin xəsarət alması ilə nəticələnən yol-nəqliyyat hadisəsi ilə bağlı cinayət işi başlanılıb.
Bu barədə APA-ya Baş Dövlət Yol Polisi İdarəsindən bildirilib. Məlumata görə, ötən gün saat 11:30 radələrində Naftalan-Goran avtomobil yolunun Goranboy rayonunun Qızılhacılı qəsəbəsinin ərazisindən keçən 1-ci km-də rayon sakini, 1984-cü il təvəllüdlü Orucov İkram İbrahim oğlunun idarə etdiyi BMW markalı, 20-EM-319 dövlət qeydiyyat nişanlı avtomobil ilə onunla eyni istiqamətdə hərəkətdə olan həmyerlisi, 1982- ci il təvəllüdlü Əliyev Rəsul Eldar oğlunun idarə etdiyi “VAZ 2109” markalı, 22-BF-937 dövlət qeydiyyat nişanlı avtomobillər toqquşub.
Qəza nəticəsində hər iki nəqliyyat vasitəsinin sürücüsü, eləcə də “VAZ 2109” markalı avtomobildə olan sərnişinlər - R.Əliyevin həyat yoldaşı 1990-cı il təvəllüdlü Əliyeva Sənəm Məmməd qızı, onun qızı 2013-cü il təvəllüdlü Əlizadə Cəmilə Rəsul qızı xəsarət almıb, 1963-cü il təvəllüdlü Tanrıverdiyeva Vəzifə Əli qızı, 1968-ci il təvəllüdlü Yusifova Aybəniz Əli qızı və 1972-ci il təvəllüdü Əliyeva Dilarə Eldar qızı isə həyatlarını itiriblər.
Faktla bağlı Azərbaycan Respublikası Cinayət Məcəlləsinin 263.3-cü maddəsi ilə cinayət işi başlanılıb, araşdırma aparılır.
Aysel Şahmar
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
