Bakı-APA. Ukrayna prezidenti Pyotr Poroşenko 16 hərbçinin Donetsk vilayətində separatçıların əsirliyindən azad edildiyini təsdiqləyib.
APA-nın BBC-yə istinadən verdiyi xəbərə görə, bu barədə P.Poroşenko özünün “Twitter” səhifəsində yazıb.
“İndicə 16 hərbçimiz əsirlikdən azad edildi. Onlar hazırda avtobusla Kramatorsk şəhərinə yollanırlar. Hər bir ukraynalı uğrunda mübarizə aparırıq” – dövlət başçısı qeyd edib.
Bundan əvvəl qondarma Donetsk xalq respublikasının rəsmiləri bildirmişdilər ki, onlar əsirlikdə olan son ukraynalı hərbçilərdir.