Bakı. Etibar Məmmədov - APA. Azərbaycanda keçiriləcək parlament seçkiləri ilə bağlı yeni blok təsis ediləcək.
Bu barədə APA-ya Azərbaycan Demokrat Partiyasının (ADP) sədri Sərdar Cəlaloğlu məlumat verib.
S. Cəlaloğlu bildirib ki, ADP parlament seçkilərində “Qarabağ” blokunun tərkibində təmsil olunacağını açıqlasa da, hazırda 3 partiyanın iştirakı ilə yeni blokun təsis edilməsi istiqamətində danışıqlar aparılır: “Hələlik bu barədə danışmaq tezdir. Blokun adı, tərkibi və yekun qərarımızı yaxın vaxtlarda açıqlayacağıq”.
S. Cəlaloğlu danışıqların hansı partiyalarla aparıldığını isə deməyib.
O, parlament seçkilərində deputatlığa namizədliyini irəli sürəcəyini də qeyd edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
